Home Breaking News तो विना मास्क घरी जात होता पोलिसांनी पकडले अन , विपरितच घडले...

तो विना मास्क घरी जात होता पोलिसांनी पकडले अन , विपरितच घडले , ???

79
0

Pratikar News

सी , आय , डी , कडून तपास सुरू ,

नागपूर : मास्क न घालणाऱ्या मनोज ठवकर या तरुणाचा पोलिसांच्या मारहाणीत मृत्यू झाल्या प्रकरणी पोलीस निरीक्षका सह तीन पोलीस कर्मचाऱ्यांवर निलंबनाची कारवाई करण्यात आली असल्याचे वृत्त आहे. नागपूरचे पोलीस आयुक्त अमितेश कुमार यांनी या मारहाण प्रकरणाची गंभीर दखल घेतली आहे. तर विरोधी पक्ष नेते देवेंद्र फडणवीस आणि केंद्रीय मंत्री नितीन गडकरी, आमदार कृष्णा खोपडे यांनी सुध्दा मनोज ठवकर मृत्यू प्रकरणी  पोलिसांवर कारवाई करण्याची मागणी केली होती. मनोज ठवकर मृत्यू प्रकरणाचा तपास सीआयडीकडून सुरु आहे.

नागपूर मधील पारडी पोलीस स्टेशन हद्दीत सात जुलैच्या रात्री ही घटना घडली होती. यानंतर या तिघा पोलिसांची तडकाफडकी नियंत्रण कक्षात बदली करण्यात आली होती. मात्र, आता या प्रकरणी पोलीस उपनिरीक्षक मुकेश ढोबळे, नायक नामदेव चरडे, आकाश शहाणे यांच्यावर निलंबनाची कारवाई झाली आहे.

कशी घडली ही घटना , ?

35 वर्षीय मनोज ठवकर हा दिव्यांग होता. मेकॅनिक म्हणून तो नागपुरात काम करत होता. नागपूर शहरातील पारडी चौक हनुमान मंदिर परिसरात सात जुलैच्या रात्री पोलिसांची नाकाबंदी सुरु होती. रात्री साडेआठ-नऊ वाजताच्या सुमारास विना मास्क मनोज याच मार्गाने घरी चालला होता. दरम्यान पोलिसांनी मनोजची दुचाकीही थांबविली, मात्र वेळीच ब्रेक न लागल्याने त्याची दुचाकी पोलीस वाहनावर येवून धडकली.

मनोजने मुद्दाम धडक मारल्याचा पोलिसांचा समज झाला, असा दावा केला जातो. त्यानंतर पोलिस उपनिरीक्षक मुकेश ढोबळे याच्यासह तिघा पोलीसानी मनोज ठवकरला मारहाण केल्याचा आरोप आहे. त्यानंतर मनोजला पोलीस स्टेशनमध्येही नेण्यात आले. मात्र शुद्ध हरपलेल्या मनोज ठवकरला नागपुरातील भवानी मल्टिस्पेशालिटी अँड रिसर्च सेंटरमध्ये दाखल करण्याआधीच त्याला मृत घोषित करण्यात आले होते.

बातम्या आणि जाहिरातकरीता संपर्क साधावा - 7038636121

LEAVE A REPLY

Please enter your comment!
Please enter your name here